शंका लागेर दुई युवकको पेन्टी खोलेर हेर्दा प्रहरी नै झस्कियो

Uncategorized

लागुऔषध भित्र्याउने गिरोहले प्रहरीलाई छक्याउन नयाँ उपाय लगाउन थालेको पाइएको छ । केही दिनअघि चामलको बोराभित्र लागुऔषध ल्याउने क्रममा प्रहरीले लागुऔषध कारोबारीलाई पक्राउ गरेको थियो ।

आइतवार इलाका प्रहरी कार्यालय काँकडभिट्टा र लागुऔषध नियन्त्रण ब्युरो काँकडभिट्टाबाट खटिएको प्रहरी टोलीले भारतबाट एक युवाले भित्री वस्त्र (पेन्टी) को इलास्टिकमा ब्राउन सुगर लुकाएर ल्याउँदै गरेको अवस्थामा पक्राउ गरेको छ । मेचीनगर नगरपालिका –६

स्थित मेचीपुलमा भारतबाट नेपालतर्फ आउँदै गरेका बुद्ध शान्ति गाउँपालिका –४ बस्ने ३६ वर्षीय सुरज थेवे र शिवसताक्षी नगरपालिका –७ बस्ने ४२ वर्षीय अमृत श्रेष्ठलाई पक्राउ गरेको हो ।लागुऔषध भित्र्याउन लागेको आशङ्का लागी जाँच गर्दा थेवेले लगाएको पेन्टीको इलास्टिकभित्र लुकाइछिपाई ल्याउँदै गरेको प्रतिबन्धित लागुऔषध ब्राउनसुगर ४ ग्राम ५ सय मिलिग्राम फेलापरेको जिल्ला प्रहरी कार्यालय झापाका प्रवक्ता खगेन्द्र रिजालले बताउनुभयो ।

Leave a Reply

Your email address will not be published. Required fields are marked *